黃秋生、蘇玉華、甄詠蓓與潘燦良等前晚為舞台劇《狂揪夫妻．二度勁揪版》作首場演出，眾人在台上開香檳慶祝演出成功，工作人員又送生日蛋糕為昨日生日的阿蘇預先慶祝，她笑說：「好Surprise，大家好有心，我哋套劇好旺，大師兄（秋生）攞視帝，排緊已經不斷慶祝。（同男友潘燦良點慶祝？）正日都係工作中度過，好多人同我慶祝，感覺好幸福，星期一休息佢訂咗枱，去間好高貴嘅餐廳食飯。」

秋生與蘇玉華笑言平日不會講粗口。

甄詠蓓（左起）、黃秋生、蘇玉華與潘燦良開香檳慶祝。

壽星女蘇玉華獲贈蛋糕慶祝生日。

秋生滿意首場演出，拍檔阿蘇則感到美中不足，她笑言講錯對白。談到劇中的粗口對白，二人表示沒有講粗口的習慣，阿蘇說：「我係忠於原著，原著有就有，好流暢呀！合情合理。平時講粗口畀人笑我發音唔正確，呢套戲就聽得多大師兄講啦！我平時唔講，做戲可以講，幾過癮。」