黃翠如與韓星李河璘昨日擔任婚紗店開幕嘉賓，蜜運中的翠如BB密實示人，反觀恨拍拖的李河璘則谷胸，非常性感。而翠如被追問婚期時着記者問男友蕭正楠。文：影視組

谷胸的Harin（左）性感爆燈，透視的翠如輸晒。

蕭正楠

露背的翠如笑言特意穿不性感的晚裝。

黃翠如與韓星李河璘（Harin）昨日為婚紗店開幕禮任嘉賓，穿晚裝的翠如雖然胸前及背部都有透視，但性感程度一般，反觀以低胸裙亮相的Harin則谷胸，性感爆燈！

自嘲保守密實

聽到「性感輸晒」的翠如說：「條裙係我專登揀嘅，之前上嚟睇衫，呢度有好多唔性感嘅設計，啱晒保守密實Style嘅我。（為男友蕭正楠戒性感？）唔係嘅，你見我台慶、頒獎禮都特別密實，即使第時着婚紗我都想自在啲。（韓國設計師趙允為你設計服裝留結婚着？）佢叫我台慶着，人生有好多重要時刻，可以到時再設計啫！（幾時為蕭正楠着婚紗？）我同佢拍劇着過一次，嚟近拍劇又着，我為工作已經着過好多次。（只等男方開聲？）拍埋呢個劇先諗，聽講今年係盲年，我都係睇佢回應記者咁講咋，你哋最好都係問番佢。不過我想講之前嚟呢度試衫，有記者喺樓下等，話我一定係就快結婚，我只係嚟試衫咋，冇咁快結婚呀！」

Harin恨拍拖

問Harin日後結婚會否一樣性感？她透過翻譯說：「我現在還沒結婚，所以不清楚，但韓國藝人一般都會選擇溫柔優雅的高尚婚紗。（有結婚對象？）還未有，你們為我介紹，甚麼都冇問題。（太多追求者，難揀？）大部時間不是工作，就留在家，沒機會認識男生，但比較喜歡心胸廣闊型的男士。」