甄子丹與汪詩詩結婚多年仍然Sweet爆，兩人日前被《好報》拍得甜蜜行街，詩詩置裝，子丹全程在旁畀意見，之後更一手拿大袋戰利品，一手拖實老婆。詩詩昨日受訪時表示，兩人靠FaceTime及WhatsApp傳情：「因為我老公成日出咗去做嘢，佢食飯食咗咩都會Send畀我睇，我又會傳啲小朋友嘅短片畀佢。」

甄子丹與老婆齊齊工作，詩詩更以比堅尼上陣。

另外，成為「聖淘沙名勝世界2016全新品牌形象大使」的兩人日前又孖住現身新加坡，子丹帶領變形金剛演繹中國功夫，又不忘與詩詩拍拖品嘗當地美食。此外，子丹主演的《葉問3》截至14日，本港已錄得$50,574,473票房。