藝人伍詠薇早前被指與曾傳不和的陳山聰在胡杏兒婚宴上「破冰」，前晚她出席電影《江湖喜劇》煞科宴時表示：「唔係，我都冇提過陳山聰咁多年，嬲唔嬲大家都唔知，我亦冇提過。今次見番冇乜嘢，楊怡帶佢過嚟Say Hello，見到佢都好開心，我都好有禮貌咁同佢擁抱，同佢打完招呼舒服嘅，大家點個頭，問候一下，總之在心中！」問到為何多年未有提及對方，她說：「唔會刻意，無可厚非件事係發生咗，唔開心係咪一定要鬧交？我係大將之人，識得點處理，順其自然啦！仇唔會記一世，開心事先記一世。」

伍詠薇自爆於新片有很大突破，要食油亦要講很多粗口。

陳百祥（右起）及戚美珍大讚譚詠麟拍攝時做足功課，前者更笑言他有機會再奪影帝。

同場的譚詠麟談到被伍詠薇色誘的一場戲時說：「好索！佢捽晒大髀，我都有畀反應。（咩反應？）好似餓狼傳說咁……Woo！」