寰宇賀歲片《惡人谷》演員吳鎮宇、鄭中基、周秀娜、余安安、蔡瀚億、張達明及林子聰等，前晚在旺角新世紀廣場舉行首映。拖實老婆余思敏恩愛到場的中基與鎮宇，齊聲表示不會帶小朋友欣賞新片，中基笑說：「我個女好多嘢問，費事嘈到人啦！」鎮宇則說：「佢自己有自己Enjoy，有時睇戲唔知佢笑乜，大家笑位唔同。」

林子聰（左起）、鄭中基、吳鎮宇、谷德昭、余安安及蔡瀚億在台上大放笑彈。

鄭中基帶埋老婆余思敏為新片造勢，認真唔話得！

此外，中基透露農曆新年會到鎮宇家團拜，並大讚對方廚藝了得，鎮宇則說：「我哋非法集會，自己唔識做人，唔識去啲導演屋企拜年，今年新年會旅行，所以之前請班朋友嚟屋企玩，派吓利是，會整定鮑魚、金蠔，開定酒招呼佢哋，同埋等啲小朋友見吓面。」問到誰會出席？中基說：「都係嗰十幾個，君如、子華、谷德昭、張達明，玩吓啤牌。」而問到老友黃秋生及劉青雲會否出席？鎮宇說：「秋生唔會，佢唔識玩我哋啲啤牌遊戲，青雲就好多頭住家，通常好夜先嚟，子華就稀客啦！」