女神周秀娜（Chrissie）、吳業坤、梁雨恩、狄易達、莊思敏、莊思明、陳蕊蕊、張惠雅（Regen）、黃又南、黃紫盈、溫家偉及大會司儀陸浩明共十二位星級嘉賓，今午會到前啟德機場跑道出席「東華慈善嘉年華」開幕儀式，屆時眾人會挑戰刺激機動遊戲「陀飛輪」！

Chrissie前晚靚靚亮相首映，今日又孖坤坤等挑「機」，認真忙！

有女神陪玩陀飛輪，吳業坤點都要頂硬上啦！

大膽的Chrissie表示期待，並笑言會帶定嘔吐袋給視她為女神的坤坤，又透露兩人很久沒見，可在陀飛輪上敍舊。坤坤則笑言對玩陀飛輪「又要驚又要戴頭盔」，並害怕會「揈甩嘢」：「可能要除眼鏡，但又希望唔使除，咁先可以望清隔籬嗰位（Chrissie）。（到時見到佢會怕醜？）唔會嘅，大個仔，同埋兩年冇見，到時見到要擁抱吓先得。」另外，Chrissie前晚與鄭中基及吳鎮宇等出席電影首映時透露跟中基拍戲要辛苦忍笑，但亦獲導演谷德昭大讚是冷面笑匠，又表示農曆新年臨時要到內地工作，未能與家人到日本旅行。