無綫咪神高海寧（高Ling）在無綫劇《愛情食物鏈》飾演賣魚妹，終日扮靚、相睇，務求以美貌與智慧認識「高富帥」，進身上流社會。現實中，她自言並非「拜金女」，另一半最緊要錫自己、着重家庭，錢方面夠使便可。

高海寧未有恃住樣靚身材正而四圍收兵！

雖然高Ling表示未跟「有米男」拍過拖，但稱曾獲家底較好的男士追求：「當發現同我唔係咁適合時，我唔會因為佢嘅家底而勉強同對方一齊。」自幼是風頭躉的她表示，中學時期每朝有學長送愛心咖啡，可是這位「女神」卻不愛收兵：「我性格比較黑白分明，唔會有灰色地帶，所以係就係，唔會拖住或者利用對方，我會一口拒絕。」她又指擇偶看重身高多於外表：「順眼就OK，如果高過我就最好，同我差唔多都OK。（唔接受『長短腳戀』？）唔係！但有得揀想高啲，因為我好小鳥依人，我鍾意保護到我、好有安全感咁！」