運動型女模余曉彤（Hidy）向來是工作狂，去年懷孕初期仍照拍行山節目，早前誕下女兒Willa後，坐完月第三天即復工參與潛水會簽名會，積極推廣最熱愛的潛水運動，為現場200位潛水人員簽海報，並接替鄭浩南獲委任為亞洲區環球大使，她說：「我希望令更多人認識海洋，而且我唔介意凍，已經籌備緊出海潛水喇！」

產後的余曉彤自言仍未回復生仔前的Fit爆身材！

余曉彤出席簽名會，推廣潛水運動。

對於極速復工，她笑言坐月感覺似坐監，希望盡快收身復出拍戲：「坐月嗰陣大補特補，係咁食豬腳薑食到驚！坐完月就好似放監咁，我依家仲未回復生仔前嘅身材，要勤力啲操練呀！」