歌手王梓軒與陳國峰及梁烈唯早前到荷蘭為無綫拍攝旅遊節目，三個大男孩為觀眾勇闖紅燈區，一向鬼主意多多的王梓軒與唯唯見適逢國峰生日，特別為對方炮製一個「荷蘭難忘生日」，搞到壽星仔面都紅晒，國峰坦言十分難忘：「好多謝台前幕後手足、兄弟為我慶祝生日。（艷舞女郎投懷送抱又坐大髀又錫錫，尷尬？）多謝王梓軒同唯唯啦！我會記住佢哋生日，有機會會同佢兩個整番個難忘生日！」

王梓軒與梁烈唯為陳國峰慶祝生日。

陳國峰獲艷舞女郎投懷送抱兼錫錫，艷福不淺。

王梓軒指此行可與兩個兄弟暢遊荷蘭：「我哋去咗好多地方玩，又踩冰又榨牛奶，好開心，同國峰慶生，好難忘！我哋又去咗被選為十大聖誕必去城市之一嘅Valkenburg預祝聖誕，嗰度氣氛好好，我哋一齊食Christmas Dinner，講咗好多心底話，國峰仲話想出年迎娶女友添！好希望將來都可以同一班兄弟一齊慶祝聖誕！」