陳詩慧相隔七年再出唱片，即使面對旁人冷嘲熱諷，依然堅持付出最大努力再圓夢想。入行十年的她否認早年「退居」幕後，苦等機會，更曾一度打算放棄：「命裏有時終須有，命裏無時莫強求。」

陳詩慧終於等到機會再出碟，百感交集。

陳詩慧

縱然面對不少冷嘲熱諷，陳詩慧依然抓緊理想！

歌手陳詩慧（Eva）苦等七年終於再推出個人大碟，將她近年為別人創作的劇集主題歌重新包裝，再用自己的聲音將經典重現，其中一首講夢想的歌《It's my dream》，內裏的歌詞正道出她入行十年奮鬥的辛酸經歷：「聽到幾多嘲諷都唔理。」

再出碟實現理想

Eva曾被指摘：「叫我咪發夢。」但七年後的今天，她再次以個人名義推出唱片，珍惜每個機會的她盡心參與唱片製作每個細節，能夠再出碟的心情，實在非筆墨能形容：「我人生入面唔係建基於其他人嘅一句說話，我嘅快樂來源唔係來自其他人，我嘅生命係屬於我自己，我又唔係傷天害理，即使你都係覺得我唔得，但我唔得唔會影響到你。」憑着這一份堅持，Eva仍希望在每況愈下的市道下實現夢想。

網絡世界覓知音

Eva在過去幾年鮮有幕前工作，反而「陳詩慧」的名字於去年以一首電視劇主題曲突圍而出，可惜該電視台不獲發牌，Eva曾一度打算放棄歌唱夢：「我冇轉過去做幕後，冇放棄過做幕前，只係一直等緊機會。命裏有時終須有，命裏無時莫強求！」即使面對市道差、機會少，她依然堅持迎難而上，慶幸「陳詩慧」的名字在網絡世界大獲好評：「原來真係會有人真金白銀105蚊去買一隻我嘅作品。（有壓力？）我個人好順天，覺得好多嘢都係個天安排，係要自己付出，但收穫係咪公平，上天已經安排咗。」

文：影視組　

攝：劉斌