形象甜美清純的女子組合Donut成員蘇慧恩（Ophelia）和陳若嵐（Melody），一直希望擺脫（口靚）模形象，實行全方位發展，嘗試一圓進軍大銀幕的美夢。自言不介意性感演出的她們均有着「突破自我」的事業計劃，想以歌聲脫穎而出的Melody有意往內地發展，密謀推出舞曲，以火辣性感為主題，曾跳過Hip-Hop的她坦言想創出新風格：「希望嘗試展露Girl's Power嘅Jazz，喺服裝設計上我都要求會Sexy啲，希望我練嘅『線』會騷到出嚟啦！」

Melody（左）與Ophelia均不介意性感，仲想自行要求服裝Sexy啲！

而情路曾遇挫折的Ophelia希望借歌抒情，將會在自己作曲兼填詞的新曲中大談與前男友的情史：「首歌比較哀怨，頭兩句係同前男友分手嘅心聲，我為咗佢放棄好多嘢，即使佢不斷換對象，但我都不離不棄，感覺好傻！」她更透露會與MV男主角接吻及在浴缸中拍攝，夠晒引人入勝！談到會否怕被比較？她們自稱是好姊妹，會互勵互勉。