少女標本成員袁紫僑、許雅婷及簡淑兒在新歌MV中大玩制服誘惑，可是公司對她們過度保護，每次均下令要與男主角保持距離，她們坦言不介意有親熱情節，但希望可與「狼人」曉積文及「男神」彭于晏做對手！

少女標本表示公司對她們過度保護，與男主角不可有親熱戲份。

女子組合少女標本最近推出輕快新歌《Simple Girl》，歌曲講述每個少女都希望做個簡單女孩等待被愛，找到一個欣賞自己的單純男孩。同是單身一族的三位成員袁紫僑（CoCo）、許雅婷（Kabby）及簡淑兒（Jessica）坦言，雖然口裏說恨拍拖，但實際會以事業為先：「其實我哋事業都係擺第一位，到真係有拖拍，都未必有時間，會為咗事業而延遲拍拖。」

唔吼圈中人

Jessica自爆入行後追求者愈來愈少，不過性格低調的她屬意與圈外人發展：「可能唔想同幕前嘅人一齊，同呢行嘅人拍拖，一係就要講大話，一係就要好高調，我兩樣都唔想。」CoCo則表示不介意與圈中人拍拖，最緊要是互相遷就。

她們在今次MV大玩制服誘惑，三位美少女穿上校服與男主角馮允謙上演浪漫戲碼，Kabby抱怨公司不時對她們過度保護：「之前冇男主角有啲失望，同埋公司比較保護我哋，就算有男主角都唔畀我哋有咁多互動，連拖吓手仔都唔得。」

最想咀狼人

問到可會介意演親熱戲？Jessica笑說：「睇吓對手係邊個啦，狼人Hugh Jackman（曉積文）我都可以諗吓嘅。」Kabby則自爆最愛男神彭于晏：「我之前見到有個模特兒好似彭于晏，就算翻版都照殺，交畀公司安排啦！」

文：音樂組

服裝：bread n butterfly

場地：Mango Tree