方力申與鄧麗欣（Stephy）因電影譜出十年戀曲，問到十年後的今天會否希望得到男友的承諾，鄧麗欣坦言比較被動，始終是兩個人的事，不是想便可以。

方力申

鄧麗欣

被動的Stephy等小方給予承諾。

小方和Stephy感情曾有變淡的時候，但兩人互相遷就，相信定會開花結果。

新戲加入不少小方和Stephy的親身經歷。

方力申與鄧麗欣十年前拍攝葉念琛電影《獨家試愛》譜出戀曲。十年後的今天兩人再合作《紀念日》，成為十年愛情路上的印記，電影戲名更是鄧麗欣親自改的。

經得起考驗?

戲中講述兩人拍拖十年後感情轉淡，問到現實中有否同樣情況？Stephy說：「拍之前有同導演傾過提供個人經驗畀佢，將好多我哋嘅嘢放入電影。」方力申則說：「我哋情況一定會有，冇去到戲中咁嚴重。不過我哋私下唔講工作，因為大家各自有見解，例如佢會講排球，咁運動係我強項冇理由唔問我，但佢又話我識條鐵，咁既然傾唔到，費事嗌交咁不如唔講。」

電影情節中亦有異性埋身，成為衝激感情的導火線，問到現實中有否類似經驗？方力申斬釘截鐵地說：「絕對、從來未試過！其實如果有我都唔知會點做，究竟我經唔經得起呢啲考驗呢？好多時男仔都會有好多幻想，啲人成日話有異性濕住個頭敲你房門問你借風筒，究竟會係點呢？」

被動唔諗承諾

問到會否希望得到另一半的承諾？Stephy說：「以前好多同學啲仔女都十歲、八歲，其實真係冇諗想唔想要（承諾），我個人好被動，冇特別諗。呢啲係兩個人嘅事，唔係自己諗，以前都有幻想！」

髮型：Vince Pang@IL Colpo Platinum TST、Euling Chow

化妝：Yen Lai、Cyrus Lee　

服裝：Injury、Loey

文：影視組