組合MVG成員周曉彤（Ivy）去年底袋五位數成為醫學美容代言人，她自爆曾向廣告商提出於鼻樑打透明質酸，卻遭對方以「都夠高啦」拒絕，最後換送「瘦面針」安慰她。只接受打針美容的Ivy，對開刀整容卻耍手擰頭！

貪靚的Ivy主動要求於鼻樑打透明質酸，卻慘食檸檬！

Ivy穿上運動裝大晒弗爆身形。

大晒美好上圍的Ivy，專業地對鏡頭展現燦爛笑容（右圖）。

歌手周曉彤早前成功與經理人漢洋提前解約，同時宣布組合MVG正式解體。Ivy日前順利完成與前公司的最後一個賺錢工作，穿背心短褲拍攝醫學美容廣告，她更自爆：「我有游說佢哋幫我微調，喺個鼻度打透明質酸，因為想個鼻高啲，但老闆同負責人話我唔使打個鼻都夠高，當時都有少少唔開心，可能佢哋見我失望，最後送咗瘦面針畀我。」

堅拒開刀整容

問到會否擔心打上癮？Ivy說：「唔會，因為會流失！」隨即大讚瘦面針極有用：「打完先拍廣告，上鏡塊面真係瘦好多，不過過咗一輪流失晒又脹番。」惟她強調不接受整容：「打針嗰啲因為會流失可以接受，如果開刀整就唔多OK。」

自由身攻內地

回復自由身的Ivy透露將主力到內地工作，問到有否簽新經理人？她說：「未有。」隨即感激漢洋體諒：「佢好好，我一問佢可唔可以解約，佢即刻答應，其實我同佢仲有兩年約，MVG冇咗，佢都唔想阻我去路！」

文：音樂組