吳若希日前在電視城拍攝《財神到》MV，但拍攝期間不慎仆倒，幸而沒有受傷。紅噹噹打扮的吳若希，向《ontv東網電視》透露已向公司請假，在農曆新年期間會返福建探望祖父母及爸爸，並會帶細佬同往，打算留個多星期。問到會否封利是給家人？她說：「每一年農曆新年我都會返鄉下，會畀多啲，但啱啱交咗成6位數字稅，依家個人好貧窮呀，好肉赤！年廿九晚有騷，睇緊價錢，好嘅話會做埋先收爐！」
吳若希以一身紅色打扮拍MV，又透露將回鄉過年。
