為了紀念入行40周年，林子祥（阿Lam）將在紅館舉行演唱會，兒子林德信（Alex）與太太葉蒨文當然是嘉賓之一，今次阿Lam在《東網電視》節目《娛樂onShow》大爆湊孩童時期Alex時的趣事和太太的遲到習慣！

林子祥難得大談當年的湊仔經，原來Alex細個咁爛瞓！

Angela挨在林子祥膊頭上，好冧呀！

林子祥入行40周年，點少得葉蒨文同Alex做嘉賓？

《娛樂onShow》邀得林子祥受訪，想知更多趣事，就要密切留意。

林子祥和兒子林德信皆屬寡言之人，阿Lam日前在《東網電視》節目《娛樂onShow》上，便向主持俞詠文（Angela）大爆與兒子「冇偈傾」！他說：「我同佢見到面時冇幾句，我見到佢就係Hello，就係咁（口架）喇！」但自從兒子入行後，兩仔爺竟然透過各自做的訪問更了解對方，Angela將Alex早前做訪問時談及父親的內容給阿Lam看，阿Lam除了會心微笑之外，還大爆當年湊Alex BB的搞笑事，他笑說：「我發現一抱住佢行幾步，佢就瞓着，當佢一醒我就再抱佢，等佢繼續瞓，好似畀安眠藥佢食咁！」

笑老婆「慢」世魔王

阿Lam不經不覺已入行40年，為了紀念這個日子，他將在紅館開騷，名為《林子祥佐治地球40年演唱會》，Alex與太太葉蒨文當然是嘉賓之一，阿Lam趁機大爆太太的遲到習慣：「佢跟得我耐先識少少睇錶咋！」此外，演唱會邀得1975年合作過的玉石樂隊，經過多年後再度合作，大家都花了很多心機綵排，阿Lam說：「佢哋好勤力！一叫佢哋就到！」阿Lam與玉石樂隊會擦出甚麼火花？想知阿Lam點樣大爆料，請即睇《娛樂onShow》啦！

文：專案組