溫碧霞（Irene）近年主攻內地密密吸金，近期更愛上投資房地產！獨具慧眼的她睇中北京朝陽區商廈，有意斥資2,500萬人民幣入市，與馬雲的阿里巴巴總部為鄰！

溫碧霞樣靚身材正，難怪在內地賺到盆滿缽滿！

睇中旺區商廈的溫碧霞有機會與阿里巴巴總部為鄰。

溫碧霞

溫碧霞憑經典劇集《火玫瑰》中「海潮」一角深受內地觀眾歡迎，不斷接下內地商演及廣告的她賺到盆滿缽滿。近年多番入市的她於香港、東京及峇里合共擁有逾億元物業，眼見香港樓市下滑，她放眼內地房地產市場，更有意投資北京的商廈辦公室。Irene曾到上海及北京等地睇樓盤，最終睇中北京朝陽區一個1,500呎辦公室，市值2,500萬人民幣（約3,000萬港元）。該區甚受歡迎，連馬雲之阿里巴巴北京總部亦位於同區，加上內地不少商廈均只租不賣，故升值潛力更高。

投資電影一舉兩得

記者就投資北京商廈一事致電身在內地的Irene，她承認有意購入商廈：「拍《愛在深秋》令我對投資電影產生興趣，所以想喺北京朝陽區搵一個辦公室，之後會繼續投資拍戲。（對北京房地產有興趣？）只要係優質嘅樓盤我都有興趣，亦知道北京商廈好矜貴，好有升值潛力，所以今次若成功購入就一舉兩得，用嚟做辦公室之餘，亦係一個房地產投資。」而好友任達華向來有留意各地房地產走勢，他大讚Irene投資合理，又表示會儲定銀彈再買樓投資。

文：影視組