名模熊黛林昨日以星級大使身份到澳門新濠影滙的魔術匯演「魔幻間」變魔術，首次變魔術的她在台上秒速變出一架紅色法拉利，令她開心得自誇有100分！

Lynn在眾目睽睽之下變出紅色法拉利，令觀眾拍爛手掌！

首到澳門的Lynn大讚新濠影滙多嘢玩！

難得嚟到「8」字形摩天輪，Lynn當然要影多幾張相留念！

熊黛林

熊黛林（Lynn）昨日無懼冷風，以大露背裝現身澳門新濠影滙的魔術匯演「魔幻間」擔任壓軸嘉賓，並參與魔術表演，又參觀「8」字形摩天輪「影滙之星」，探索「魔幻間」的奇妙旅程！Lynn甫出場先向觀眾打招呼，而台上早已預備了一個鐵架，Lynn即施「法術」將布幕後一架火紅色法拉利變出來，令觀眾讚嘆不已！

「佢媽咪當我係屋企人」

首次表演魔術的Lynn笑說：「都算成功吖！之前試過初級魔術，扮拎啲嘢飛嚟飛去，今次好勁！畀自己100分！」又慶幸能來澳門睇騷：「未試過嚟澳門玩，呢度又有Batman劇院，好正！」Lynn透露男友郭可盈弟弟郭可頌不懂表演魔術，有機會希望與他結伴再來。

她稱最近忙於拍戲，問到是否農曆新年才有時間拍拖？她即甜笑說：「日日都拍拖。（新年去男友家拜年？）初一、二我喺南京。（計劃二人世界旅行？）想呀！今次Family Trip好開心，未試過同男友屋企人去旅行，佢家姐同媽咪好錫我，當我係屋企人。（未來奶奶滿意你？）唔敢問，我好似多咗個媽咪，應該OK。」

猴年拉埋？男友決定！

記者追問婚期時，Lynn甜絲絲表示早已準備，問到可會趕在猴年拉埋天窗？她說：「睇吓趕唔趕得切啦！（同男友有冇共識？）大事交畀佢話事，小事先我理，哈哈！」看來兩人好事近！

文：名人組　

攝：嚴偉國澳門傳真