謝天華早前張丹峰和張鈞甯等，參與內地真人騷《跟著貝爾去冒險》，更於節目《人在野》主持兼英國冒險家貝爾吉羅斯的指導下，挑戰食蟲、蝸牛兼飲尿！他們在毫不知情下，聽從貝爾的指示儲尿，當得悉要灌落肚時，嚇得天華Ｏ晒嘴兼呆望樽尿：「我相信我的身體不錯，這個顏色挺好的。」內地女星韓雪拒絕飲尿，天華將尿當啤酒自隊：「味道真的很難聞，可是知道是自己的東西，所以也沒甚麼難受。」

對於老公張丹峰飲尿，洪欣昨日透過電話說：「呢12集做嘅嘢係老公人生一大體驗，見到佢好勇敢做晒，好佩服佢！」提到唯一未能完成食老鼠的任務，她力撐老公：「飲尿冇咁核突，可能我哋都好驚老鼠，冇辦法接受。聽講飲尿對身體好，當然飲自己嘅尿，唔會飲人哋嘅尿，但叫我做就唔會接受囉！老公個樣咁慘，我好心痛！（萬一要食屎？）冇人會接受到，呢個咁核突。」她指張丹峰「飲真尿」味道又澀又鹹難飲兼想嘔：「佢冇後悔，參加得呢個節目要有嗰種精神。（搵食艱難？）如果要搵食，拍劇仲舒服啦！呢個係畀自己嘅挑戰，老公好叻，完成晒所有任務。（酬勞高？）唔係睇呢樣嘢，同平時差不多。」曾參加內地真人騷《星跳水立方》的李彩華拒為節目飲尿：「就算出好高價錢，我諗都未必！幾唔衞生。（接騷小心揀？）好多真人騷唔係好知內容。」談到藝人為賺錢飲尿的辛酸，她說：「可能佢哋Enjoy，自己盡量接體力嗰啲，核突嘅就唔喇，要黏蟲好驚！」