周星馳、鄭少秋及莫文蔚(Karen)日前翻唱經典歌《世間始終你好》,為電影《美人魚》插曲錄音。雖然歌曲主要由秋官及Karen合唱,星爺卻歌癮起Jam埋一份,在旁邊「呼!哈!」和音,星爺隨即問兩位樂壇前輩其表現如何,Karen甜笑說:「其實你揀呢隻歌係咪有說話要同我講呢?」曾與對方傳緋聞的星爺即說:「係啦係啦!我都終於明白到呢個大道理!」Karen趁勢再攞尾彩:「雖然遲就遲咗啲。」秋官則盛讚星爺歌藝「冇得彈」,令星爺沾沾自喜地說:「我只能夠講聲多謝。」秋官又預票房大收:「呢套戲加埋呢隻歌,冇得頂喇啩,點都有30億啦!」星爺聞言即瞪大眼說:「30億?你講咩貨幣先?」兩人不約而同搶答:「美金!」場面搞笑!

在旁和音的星爺一臉陶醉,氹得Karen相當開心。

秋官(左起)、星爺與Karen於錄音室載歌載舞,玩得起勁!

另外,有指《美人魚》與內地五大發行商中影、龍騰、聯瑞、和和及光線簽訂20億票房保底協議,即製作商可提前獲得票房收益,而最終票房超出該數額後,發行商可優先獲利之協議,惟內地傳媒向有關公司求證時,他們均表示目前不便透露。