賭王何鴻燊四房兒子何猷君21歲生日不停收驚喜，前日獲新加坡富商千金女友Kimmy秘密來港為他再度慶生，大為感動，昨日何超盈上載與猷君慶生的照片，Kimmy、猷君，超盈、四太梁安琪及婆婆一同合照，看來Kimmy經已完全融入四太一家。昨日猷君在上海公幹，他在電話說：「女朋友專程飛過來香港畀驚喜我，好開心，今次同媽咪有見面，媽咪好鍾意佢。（你欣賞Kimmy邊方面？）高貴大方，又應對得體，公開之後，大家都好認可，唔係話豪門對豪門，係大家真係好夾。（邊樣打動你？）佢好肯花心思對我，好少女仔會做咁多驚喜對男仔。之前喺新加坡（慶祝生日），依家又飛嚟香港，好感動，佢本身都有工作，所以好難得。（送乜禮物？）女友飛嚟港已經係最好嘅禮物。」