用IP Cam有利有弊,林盛斌(Bob)坦言曾用過,但搬新屋後就沒再安裝:「之前屋企有裝,都覺得冇乜點樣用得着,因為屋企嘅工人唔會對我啲女做古怪嘢,屋企又唔會畀人偷錢同唔見嘢,同埋聽過好容易就畀人Hack入睇到嘢,所以新嘅屋企就冇裝到呢樣嘢,我喺屋企唔着褲嘛!我唔可以畀人睇我唔着褲個樣。」而黃長興則透露家中安裝了三個鏡頭,分別是廚房、客廳及女兒的房間,而鏡頭均購自大型電腦中心:「購買時我會揀啲像素較高、聲音清楚、同埋鏡頭移向時較靈活嘅Camera,買番去後都係由我安裝。」問到有否聽過黑客Hack入並看到屋內一切,他說:「咁我又冇聽過。(擔唔擔心?)咁佢就算睇到,都係某啲位置,唔太擔心。」他又指平日都會透過Camera與太太及女兒傾偈,感覺很好,由於家中傭人已僱用多年,故對她絕對放心。

曾在家中安裝IP Cam的Bob指家傭不會對女兒做古怪事,故已沒再安裝。

黃長興透露在女兒房中亦有安裝IP Cam。