內地拍劇被走數黃德斌痛心信錯人

黃德斌昨日為新劇《鐵馬戰車》到將軍澳電視城宣傳，最近有傳他與監製戚其義返內地拍攝劇集《傳奇大亨》，因戚其義與投資者方向不一而「被離開」劇組，黃德斌承認此事，又指信錯了製片人，他說：「識咗佢十幾年，套劇拍咗兩個月，拍咗三分一戲份，但錢未收過。（冇收上期？）諗住認識十幾年，當時約都未寫好，就幫佢埋位拍攝，點知搞成咁！（損失幾多？）都有一個數字，公司幫我搞緊。」同場的袁偉豪表示情人節有意親自下廚煮情人節大餐給女友岑杏賢，他說：「平時都有整啲小食如曲奇餅畀同事食，近排對甜品都有興趣。（想開食肆？）希望多方面嘗試，例如做飲食節目。」另外，蔡思貝表示現正處於放假階段，會繼續出席商業活動，又考慮去旅行充實自己。