連詩雅（Shiga）與同公司的鍾浠文（Zelia）及黎紀君（Christy）老友鬼鬼，相約在新一年到「東華慈善嘉年華」「刺激」一番，但面對驚險的「陀飛輪」及跳樓機時即「縮沙」，最後只留影作罷。Shiga自認細膽，Zelia表示要人「慫恿」才會去玩：「要有人Push我上去同玩完會畀啲獎勵我先得。」至於Christy則表示沒有伴不會獨自去玩，最後三人轉到較小兒科的兒童遊戲區玩樂。

連詩雅（中）唔敢玩跳樓機，改往兒童區壯膽。

鍾浠文（左起）、連詩雅及黎紀君望見「陀飛輪」即「縮沙」，惟有擺甫士留念。

Christy陪王宗堯玩

問到已宣布名花有主的三人可有跟男友玩機動遊戲？去年承認與有米男友Anthony撻着的Shiga說：「我同任何人都唔會玩，對上一次都係同柏豪喺美國做嘢時玩過，為事業而犧牲，得我一個玩完喊到停唔到。」Zelia則笑言與圈外男友均是較沉悶的人，約定男友跳傘增加生活情趣；至於早前公開與王宗堯拍拖的Christy就自誇二人都是「膽生毛」：「佢同我一樣，都係會主動拉人上去玩，上次去日本旅行，我哋呃咗個朋友玩機動遊戲。」

服裝：tout a coup @ i.t