對於周杰倫向太太昆凌下「三不令」，張繼聰昨日接受電話訪問時說：「我同Kay（謝安琪）都係專業藝人，我唔介意，但佢就唔太鍾意，最好唔好（拍）啦！呢啲辛苦嘢由我嚟做啦！拍親熱戲辛苦過拍打戲，好有難度！」他又指老婆Kay曾在戲中跟黃貫中拍床戲，他亦有睇過：「唔會直視囉！（睇時有冇酸溜溜感覺？）唔會！明白做戲啫！作為演員要專業。」而他最激的一次是與好友王祖藍的太太李亞男拍親熱戲：「拍電視劇《忠奸人》，我同亞男由開門咀到入屋，邊咀邊除衫。」而他昨日與唐寧及導演葉念琛出席電影《紀念日》謝票活動，葉念琛表示票房已衝破1,500萬港元，若錄得1,800萬港元會考慮再慶功，下周會推出加長版。戲中演慘情夫妻的張繼聰自爆開工首日拍爆喊戲被路人側目，提到Kay表示四月開個唱後不排除放假追B，他搞笑呻忙：「咁我好忙，做多啲嘢！」

張繼聰出席電影謝票活動力谷票房。

另外，李亞男昨日為壽星老公仔祖藍慶生，兩人表現恩愛。問到祖藍可會介意愛妻與其他男演員有纏綿鏡頭？他透過短訊回覆：「基本上不表意見，但都會視乎個劇本係咪有實際需要啦！」