楊千嬅昨日現身元朗Yoho Mall為新碟《如果大家都擁有海》舉行簽名會，獲大批粉絲捧場，穿背心修腰連身裙的她明顯肥了，期間又突然摸肚，即惹來大肚疑雲，千嬅卻笑說：「梗係未啦！肚餓咋，因為今日條裙好窄，怕着唔到，唔敢食Lunch。」她自爆聖誕節期間肥了6、7磅：「丁生見我食咗成年營養餐，就叫我放鬆啲，但呢排佢又話我肥咗好多！」

楊千嬅

脹了少少的千嬅與粉絲打成一片，更興奮玩自拍。

在台上談到家庭與事業時，千嬅坦言希望開枝散葉！正放大假的千嬅將於農曆新年舉家外遊，問到會否努力造人？她說：「睇吓造唔造到，想有又未必有，唔諗又可能有。（真係想開枝散葉？）為個仔係有咁諗，因為得佢一個，但唔易，好矛盾，驚辛苦，湊一個小朋友要好有心機，所以交畀個天啦！」對於去年主演的電影票房成港產片全年第一，千嬅笑言要老闆林小明及古天樂請食飯，問到可有加片酬？她說：「冇喎！覺得機會緊要啲。」