香味可以吸引別人的注意，亦能散發自信！藝人何佩瑜（Jeana）透露從21歲入行開始便迷上香水，更儲上癮，會留起一些已用完的香水樽作收藏之用，Jeana說：「入行之後開始打扮貪靚，間中會噴吓香水，有時有啲朋友同我傾偈，一行埋嚟就話我好香，跟住就愈買愈多香水，去到第二度都會買香水畀自己做手信，發覺每隻牌子嘅香水樽都好靚，噴完更加唔捨得丟，所以屋企儲埋好多香水樽。」

Jeana家中的化妝間擺滿香水，是名副其實的「香」閨！

情迷香水的Jeana大晒多年收藏，相信只屬冰山一角……

Jeana認為香味是每個人的記認，甚至是一種回憶，她笑說：「依家日日都慣咗噴香水，有時出咗門口唔記得噴，都會特登返番屋企噴，噴咗香水個人會有自信好多！」雖然喜歡香水，惟Jeana不太欣賞男士噴香水：「我唔鍾意男仔太過姿整，尤其係男裝香水好多都好濃，噴得多直頭攻鼻，要點到即止，所以噴香水都係一門學問！」