陳凱琳（Grace）與男友鄭嘉穎拍拖以來一直打得火熱，雖然Grace否認與嘉穎結婚，但冧爆表示現為Sweet爆階段，更透露男友與家人相當有默契！文：名人組

陳凱琳出席活動時提到男友，一直甜笑。

新一期《好報》披露陳凱琳與鄭嘉穎同居試婚。

陳凱琳與鄭嘉穎歎茶慶祝拍拖周年，更笑笑口拖實散步。

對於早前被《好報》拍得與鄭嘉穎預祝拍拖一周年，昨晚出席皮草活動的陳凱琳說：「只係食吓嘢。（二月一日周年會慶祝？）未諗，返去問佢幾時正式慶祝。（你唔記得幾時？）畀大家寫到好迷糊！」問到可否「恭喜」她？Grace說：「冇咁快，大家依家仲係Sweet嘅階段。」提到父親詐型指未見過嘉穎，她說：「其實佢嗰日純粹講笑，屋企人同佢都有默契。（見家長未？）唔想講咁多私人話題。（有冇傾結婚？）未，大家有共識點發展。（嘉穎有冇暗示？）唔講太多。（接受早婚？）我嘅Timing，唔想講親都圍繞佢。」問到嘉穎有否禁止男士埋身？她說：「冇，大家有男、女性朋友，有信任。」

另外，同場捲入學歷風波的蔡思貝表示暫未有被警方調查：「我清楚咩事就得，呢啲好敏感，唔講太多。」

「坤嫂」龔嘉欣認親密

同場與吳業坤傳出姊弟戀的龔嘉欣，被記者以「坤嫂」稱呼，她說：「做乜多咗個名？」她表示最近不便出雙入對，問到是否被嚇怕？她說：「好驚，故事太豐富，唔想故事發展落去。（嫌棄佢？）佢係親密嘅人。」至於公司有否施壓？她說：「我同佢都受緊壓力，我哋講過我哋之間嘅事兩個人知就算，唔好咁高調。（如果真發展都唔講？）唔會啦！但好開心有人搵我哋出席活動，有好好嘅合體價。」