影壇女新人范愷雯曾與古天樂合作拍廣告，她笑言初時「有眼不識泰山」：「原本我覺得都係一個明星啫！」怎料Roll機一刻即緊張到NG！她又覺得拍攝旅遊雜誌不時要挑戰人體極限，絕不能縮沙！

身材高挑的Michelle做過幾年Model，擺甫士冇難度！

影旅遊靚相好Happy？Michelle有苦自己知！

Michelle早前和盧覓雪、古天樂拍廣告時乘機集郵。

擁有一雙彎月笑眼的Michelle，笑起上嚟Sweet到漏！

女新人范愷雯（Michelle）曾與古天樂合作拍廣告，問到面對巨星的感受時，她笑說：「其實拍之前已經知道要同古天樂合作，不過未知會做咩角色，冇時間顧慮太多！」又透露拍攝前「看輕」了古天樂：「原本我覺得都係一個明星啫，想當佢係個普通對手，點知到埋位嗰陣佢企喺隔籬真係好緊張，好彩冇NG太多次！」

Model經驗學圓滑

影壇每年都湧現大批新人，Michelle自覺勝在夠勤力：「做Model兩三年，同過好多人合作，比較識照顧人感受，亦會多聽意見，會主動去問。去過好多Casting，以前比較多做雜誌Model、旅遊專題，會見到好多唔同國籍嘅人，同佢哋相處嘅過程中學到點樣做人圓滑啲。」Michelle亦熱愛旅遊，最愛到訪陌生異國：「會喺街上漫無目的咁行，慢慢發掘。好似日本咁，好多人都以為係去Shopping、食好嘢，但我比較嚮往唔Plan行程沿住鐵路玩，會好Enjoy！」

影旅遊相搵命博

很多人認為拍攝旅遊靚相是一件樂事，既可以四圍玩，又冇專業攝影師操刀留倩影，但Michelle透露其實背後有許多不為人知的苦況：「為咗交靚相，有啲位係成隊Crew搏住去影，難免會受傷！啲靚景一定係比較難去到，之前去歐洲拍攝，差唔多日日都要上山下海，要接受好多挑戰，有啲運動都要親身試畀讀者睇！」

文：陳丹　

攝：吳文聰