莊思明早前趁假期到日本旅行，行程豐富的她不但與奈良鹿仔玩自拍，更食盡大阪美食，盡情休息放鬆！返港後，她隨即加入劇組拍攝，笑言要努力搵錢，否則冇錢環遊世界！ 文：影視組

莊思明舉機與鹿仔自拍，鹿仔即瞇眼畀足表情，好得意呀！

既然唔濕平，莊思明就惟有大歎美食啦！

莊思明

莊思明早前到日本旅行六日，在行程中盡享悠閒，是次沒有購物，只想輕鬆放假休息的她更到京都、大津及奈良等地遊玩，她說：「今次純粹係放假休息，去到京都欣賞古色古香嘅建築，亦參觀全京都最大嘅廟宇。」

積極儲錢環遊世界

她還興奮表示與奈良鹿仔玩自拍：「之後我又上咗山睇鹿，啲鹿相當友善，一啲都唔驚人，我試過用手機自拍功能同佢哋影相，佢哋真係識得畀表情，好似笑緊咁，好可愛！所以我相信佢哋知我喺度做緊乜。」

問到在大阪有否瘋狂血拼，莊思明坦言沒有，但吃盡大阪美食：「因為都好多人，啲舖頭都好密，所以好少買嘢，一件衫都冇買到，只係買咗啲手信送畀朋友，不過今次真係食盡大阪最出名嘅食物，好似炸豬扒、燒餅、鰻魚飯。」放完假返港的思明笑言，要立即努力工作，儲多些錢才可以環遊世界。

返港後，思明將參與無綫劇集《廉政行動2016》的拍攝，早前參演電影《PG戀愛指引》的她更大談角色：「今次係演一個從未做過嘅角色，啲人如果見到可能唔認得係我，因為同電視上嘅自己好大對比！」

文：影視組