龔嘉欣（Katy）如無綫劇《刀下留人》的角色般堅守愛情原則，卻被冠以「緋聞女王」稱號，她坦言不想被寫成是水性楊花的女子。來自傳統家庭的她表示，拍拖會尊重爺爺意見：「拍拖除咗諗對方適唔適合我外，仲要諗佢符唔符合屋企人嘅意思。」而緋聞男友吳業坤「太唔正經」，所以未必合格。

龔嘉欣揀男友要先過家人一關，吳業坤弊傢伙啦！

吳業坤

Katy曾因只顧拍拖而荒廢工作，她坦言後悔當初盲目選擇愛情：「其實冇話遇到一個啱定錯嘅人，每個人總會為你帶嚟開心同唔開心。」她日後會謹慎去愛，希望下次拍拖便結婚，不過仍有顧慮：「驚傷害到自己，又驚傷害到人！」