陳家樂早前在好友安排下到日本旅行驚喜慶生，雖然旅程中初嘗即開即食海膽，但他大呻為保持身形，未能盡情大擦一餐！令他難忘的是同伴在大阪環球影城與他切蛋糕驚喜慶生：「我完全唔知佢哋點樣收埋個蛋糕！」

陳家樂在好友悉心安排下，到大阪驚喜慶生！

環球影城的布置充滿特色，令Carlos樂而忘返！

Carlos到奈良餵飼小鹿，親親大自然！

陳家樂

Carlos到黑門市場歎新鮮海膽，又玩轉環球影城，盡興而歸！

英皇藝人陳家樂（Carlos）早前聯同好友到日本關西享受4日3夜的旅程，一班好友為慶祝其29歲生日，為他度身訂造所有行程，Carlos說：「勁神秘，我去到機場先知去邊度！」到奈良親近小鹿的他感覺新奇：「好開心，係第一次同野生小動物咁親近，之後先知原來范冰冰都喺呢度畀人影到餵鹿！」

嗒海膽一試難忘

關西地區向來以美食見稱，Carlos卻未能在大阪黑門市場盡情大擦：「要揀嚟食，因為之後做嘅工作要Keep住個身形。最掛住係海膽，我未試過即開即食！」他又大呻回港後要繼續戒食晚餐：「要除衫拍廣告，唔瘦身唔得，6點後就唔可以食嘢，盡量喺之前食晒一日需要嘅嘢！」

問到行程只有4日，是否未夠喉？他笑說：「短期內都唔會去，其實之前都去咗一次，過多幾年先再去啦！不過始終完成工作都想放鬆吓，之前忙住拍《破風》，依家先放假。」問到旅程中最難忘的事，他指一班好友在大阪環球影城為他慶生，充滿驚喜：「我哋喺入面切蛋糕，我完全唔知佢哋點樣收埋個蛋糕，見到蛋糕嗰下真係好Surprise！」他又不忘感謝好友的悉心安排。

文：影視組