鄭融（Stephanie）日前擔任道路安全訊息活動表演嘉賓，問到可有否考慮考車牌？她說：「諗過，但我鍾意快，如果要嘥時間搵位泊車會勁忟！」所以她笑言坐朋友的座駕或保母車會較理想。問到可會要求男友考車牌？她表示沒特別要求，並透露男友有船牌：「有時出海都好呀！（多唔多機會出海？）唔算多，但幾特別，有更多私人空間。」

性急的鄭融擔心為泊車而扯火，寧可與男友出海談心。

提到金剛早前捲入台灣槍擊案，她不時要到內地或外地登台，可曾遇上驚險事？她說：「盡量做完嘢就即刻返香港，就算過夜都唔出街，費事有任何事麻煩到公司。同埋我會問清楚所有有關安全嘅問題，諗到嘅都會問！」