古天樂與張家輝稍後將為新片到巴西取景，二人表示不擔心人身安全，但古仔表示出發前會打針以防萬一，唯一擔心是轉機時遺失行李。而張家輝則笑言他的行李雖沒貼Barcode，但經常遺失行李，天生「唔見行李命」。

家輝表示經常唔見行李，好彩每次都拎得番。

阿佘否認被無綫飛出《使》網劇。

古仔到巴西拍外景不擔心人身安全。

阿佘（左起）、家輝、古仔與鎮宇拜神，祈求工作順利。

古天樂、張家輝、吳鎮宇與佘詩曼昨日為《使徒行者》電影版舉行開鏡儀式，古仔透露會到巴西拍攝兩星期，問到會否擔心當地治安，他說：「唔擔心，當地都舉辦奧運，啟程前會打針。不過知道要搭長途再轉機，擔心再轉機時會有遺失行李風險。」

唔會貼Barcode

而張家輝表示不擔心人身安全，並笑言會帶底衫及底褲。問到會否擔心像李克勤被寄失行李？他笑說：「我冇貼Barcode上去，不過呢啲事成日發生喺我身上，我係有唔見行李命，好彩每次都拎番。」對於有傳因不續約無綫而被飛出《使》網劇的佘詩曼說：「唔關事。拍咗呢個先。兩樣嘢。唔可能同時間，要做完一樣還一樣。」

鎮宇讚阿佘筍盤

另外，有預言家批阿佘感情事不順會遇騙子，她說：「唔係啩！今次遇到唔係壞人（吳鎮宇）啦！」在旁的吳鎮宇表示對追阿佘的男仔有信心：「佢咁筍唔使介紹畀佢，佢識揀人。」 動作指導錢嘉樂表示會到隨隊到巴西，並笑老婆湯盈盈欲自動請纓到巴西做助手，他說：「咁個女邊個湊呀？」

文：影視組