吳業坤最近在頒獎禮勇奪「新人金獎」喊到眼鏡起霧感動萬千觀眾！捱足五年終於捱出頭，由「棋子」變「王子」的他愛情事業兩得意，緋聞女友龔嘉欣更在微博疑似隔空示愛！《東網巨星》推出的節目《玄學星相》，主持Yufi於最新一集邀得堪輿學家雲文子以玄學角度和大家全面分析「新人王」吳業坤的愛情和事業運！

雲文子與主持Yufi分析坤坤今年的愛情與事業運。

坤坤和龔嘉欣格局唔相剋，但要做長期伴侶就要花多啲心機喇！

《東網巨星》娛樂節目《玄學星相》播出後深受觀眾歡迎，最新一集由堪輿學家雲文子分析「新人王」吳業坤的愛情和事業運，吳業坤頒獎禮爆喊前，龔嘉欣在微博一句「願意成為你的陽光」，令緋聞浮上面！咁到底夾唔夾？有冇發展機會？雲文子說：「喺奇門遁甲嘅命盤，見到吳業坤同龔嘉欣嘅格局冇相剋，所以做知己好友絕對冇問題！但係有啲相沖，要發展長而穩定嘅情侶關係嘅話，就可能比較多波折。」

貴為樂壇新人王，緋聞對象點止一個？組合《Super Girls》的Aka，仲有女神黃翠如亦發文力撐，坤坤異性緣是否極強？雲文子說：「見到吳業坤本身命宮有『休門』帶『玄武』同佢相生，所以佢絕對唔係靠樣，但女人緣非常之旺，而且喺2016年入春之後，佢嘅桃花會開始旺，所以絕對唔需要太過急。而且桃花亦都係代表人緣，對工作事業絕對有幫助。」講完愛情到事業，吳業坤在2016年會否繼續成為紅人？想繼續聽師傅點講？只要Click入《東網巨星》的「視娛樂」，睇《玄學星相》就包冇甩漏！

【 http://goo.gl/WVzBkk 】