陳凱琳與鄭嘉穎愛得甜蜜，最近更高調拖手出席胡杏兒婚禮！暫時不用開新劇的陳凱琳正好忙裏偷閒，好好享受拍拖時刻，她直言不介意當「跟得女友」，有時間更願意陪伴男友出埠工作。

戀愛大過天！陳凱琳放假最想同嘉穎拍拖，做埋少奶奶咪仲多時間囉！

鄭嘉穎

陳庭欣穿連身背心短裙現身，青春又養眼！

吳若希讚許廷鏗首歌好聽，有冇《越難越愛》咁好聽先？

許廷鏗手長腳長，做人肉自拍神棍Perfect！

無綫節目《慈善星輝仁濟夜》昨日在葵芳舉行記者會，陳凱琳、許廷鏗、吳若希、陳庭欣及黃心穎等均有出席。陳凱琳表示早前探訪一位癱瘓人士，聽他分享故事，雖然心酸，但覺得很有意義，亦感受到香港人的積極性！

享受食飯睇戲

暫不用開新劇的她正好趁機放假休息，兼享受與鄭嘉穎的拍拖時光，她說：「可以享受吓拍拖，食吓飯、睇吓戲，之前好忙，依家可以做愈少嘢愈好！可以輕鬆吓！」

問到會否與男友去旅行？她說：「要睇吓夾唔夾到時間，佢有時都要去外地做嘢。（會唔會跟埋去？）睇吓就唔就到時間，自己都有啲節目要拍，就到都會嘅！」

許廷鏗笑坤坤天真

吳若希則大讚許廷鏗主唱的劇集《無心法師》主題曲《記住忘記我》好聽！

問到身旁一同受訪的許廷鏗可覺得其歌曲洗腦？他即笑說：「都係（口架）！但洗腦都有分好同唔好，希望係好嘅洗腦，觀眾會鍾意。」問到林欣彤有新戀情？他說：「唔知，都係睇報道，佢咁靚又咁索，如果係拍拖都祝佢幸福。（你唔追佢？）我哋巨聲幫成班好似兄弟姊妹咁，唔會係拍拖。（陳海琪寸吳業坤天真？）佢又係幾天真（口架）！哈哈！好似之後又讚番佢啦！」

文：影視組