姚子羚前晚為無綫新節目《Sunday好戲王》錄影時透露，節目中要與龜對戲：「原本係同條蛇，好在楊詩敏頂咗。（同龜講咩？）佢會做我細佬，我仲Load緊有咩同佢講。（會摸佢個頭？）我驚唔出得街喎。」錄影時，她吩咐龜細佬要努力，着牠要將「龜Head」抬起，發憤向「忍者龜」夢想抬頭，引起全場爆笑。談到「胡說八道會」有意搞演唱會，身為其中一員的她表示正在計劃中。同場的楊詩敏將蛇玩得出神入化，又扮放入口，又纏上頸當圍巾用，但也不及她俯身趴地時拋波餅搶鏡。

楊詩敏扮放蛇入口，相當大膽！

姚子羚與龜對戲，笑言唔敢摸龜頭。

陳敏之（左）擔任節目主持，與評判薛家燕齊齊玩嘉賓。

海豚嫌棄薛家燕超重

另外，擔任主持的陳敏之透露，節目有一個表揚「無名」演員的環節，而對於有傳她主演的劇集《性在有情》被抽起，她說：「未經證實嘅回應唔到，我希望我嘅作品可以播，我會尊重公司決定。」而作為嘉賓評判的薛家燕則透露，早前一家人到新加坡旅行，有機會與海豚共泳：「但佢哋好似唔鍾意我，可能佢用個嘴頂住我游水覺得我重。」