唐紫睿（Hazel）及麥玲玲昨日出席頒獎活動，身穿婚紗的Hazel直認恨嫁，又稱想搵圈外男友：「女仔都想做最靚新娘。（有對象？）有人追。（5隻手指數得晒？）差唔多啦！我鍾意低調嘅男仔，想將男友當避風港。（有圈內人追？）以前有但好大壓力，最後冇一齊。」提到與黎美言等拍攝MMA真人騷《G1格鬥會》，Hazel透露有望於本月完成拍攝。進入半準決賽的她指有參賽者想退選，但她堅持參戰決賽。問到想退賽的人是否與她傳不和的黎美言？Hazel說：「唔想提佢，是是非非到時播出就自有分曉。」

穿上婚紗的唐紫睿表示恨嫁，想做最靚新娘。

另外，同場的堪輿學家麥玲玲盤點多對圈中情侶何時結婚，她睇好楊怡最快嫁人：「結婚對楊怡事業有幫助，城城嗰對睇吓會唔會突然有喜，栢芝桃花會旺，王菲都有機會再添丁。」她又指鄭嘉穎及陳凱琳要於兩年內作出重大決定，否則可能有波折。