林峯年前盛傳以一億天價加盟英皇娛樂，對此他未有否認，更透露是老友古天樂曾贈言，若以金錢作為考慮，更易衡量工作，也促使人更有動力。文：音樂組

林峯強調沒有「富爸爸」這個後台，更多得古天樂（圓圖）提醒。

唱歌是林峯從小到大的夢想。

林峯加盟英皇時，獲吳雨及霍汶希送上「再創高峯」字畫。

本報曾獨家披露當日英皇開出一億天價邀林峯加盟，林峯近日接受電台錄音訪問，對於一億簽約英皇，他未有否認：「當然會考慮錢，老實講，咁努力做嘢，都係為咗賺更多錢。」他更透露老友古天樂曾經分享一些睇法：「古仔好耐之前都同我講過以價錢作考慮，可以畀自己更易衡量工作、更有動力去做。」

找到歸屬感

據傳當日黃百鳴、黃柏高先後跟他接觸，林峯說：「我同黃百鳴同Paco都識咗好耐，佢哋知道我要咩，除咗電影外，我一定要做音樂，香港真係好大企業有咁樣嘅資源可以兼做呢兩件事，所以選擇真係唔多。」他坦言英皇能讓他同時兼做唱歌及電影兩個範疇外，即使從前他不是英皇全約（藝人），英皇的同事亦對他很好、很支持：「我覺得最緊要係公司可以畀到我歸屬感，同事又全心全意為我做嘢，慶幸依家搵到呢份歸屬感。」

在訪問中，林峯再次談到離開無綫，事前已考慮了兩、三年，在無綫15年很多劇集的題材已開始重複，他可以駕馭的角色也試過了：「漸漸心裏面冇咗團火，離開主要係希望工作上有突破。」他沒有捨不得，反而覺得離開後要表現得更好。

否認有「後台」

另外，因為有富爸爸關係，令林峯被標籤有「後台」，他表示曾介意這些流言蜚語：「我曾要求頒獎單位唔使頒獎畀我，因為人人都覺得我有後台先有獎，我攞獎個心唔舒服，唔知人哋會講乜，唔想人哋覺得我唔係實至名歸！」