藝人蔡瀚億（BabyJohn）經理人兼前亞視藝員黃美芬，與星娛樂唱片公司總經理Tommy Chu昨日於灣仔酒店舉行結婚派對，張智霖、鄭欣宜、關心妍及江美儀等都有到賀，而早前遠赴關島見證一對新人在當地行禮的BabyJohn和太太Donut亦盛裝出席。Tommy受訪時大談求婚經過：「之前去意大利出席朋友婚禮，事前準備咗求婚戒指，一拎出嚟，太太都呆咗！」在旁的黃美芬則甜笑說：「如果我一早有心理準備，唔會咁易畀佢過關！今日好輕鬆，雖然有啲美中不足，有落雨，但見咁多朋友一齊玩，都好開心！」BabyJohn則說：「今晚可以見到戲劇同電影界嘅朋友，大家趁呢個機會聚吓真係好開心！」