柏豪讚坤坤下身勁

周柏豪前晚在叱咤頒獎禮奪得兩獎，卻輸給張敬軒沒法冧莊男歌手金獎，他說：「咪講輸，佢無形間幫咗我好多，喺我第一個比較大型嘅演唱會搵佢做嘉賓，佢一口應承仲做咗兩晚，另外送咗支咪畀我！」他指連軒仔開騷都會找他做嘉賓，對後輩來說是很大鼓勵。作為前輩，對於吳業坤奪「我最喜愛的男歌手」和「我最喜愛的歌曲大獎」，他坦言是驚喜，並自言亦曾轉發坤坤的歌曲，卻被同事說幫其他公司新人：「我唔知嘛，好似以前陳奕迅，容祖兒都會鼓勵我哋一班後輩，我都希望能夠畀到鼓勵後輩。」他更大讚坤坤坦率，並笑言覺得坤坤下身愈來愈勁。