天后容祖兒第10度奪得「叱咤女歌手金獎」，創下「叱咤」紀錄，她在慶功宴上說：「要守住盤生意，見到吳業坤攞獎時好激動，嗰種傻、天真，我都諗番自己第一次攞獎時，都冇諗過一口氣就行咗咁多年，其實係感動。」對失落「我最喜愛女歌手」獎，她表示冇所謂，因為她只在2003年攞過一次：「呢啲唔強求，因為覺得自己要得嘅嘢都已經超晒額。」

獲獎的祖兒與軒仔非常興奮。

軒仔隊香檳慶祝，粉絲亦戥他開心。

祖兒第10度奪得「叱咤女歌手金獎」，創下紀錄。

陳奕迅連續兩年缺席樂壇頒獎禮，祖兒對出席與否覺得有兩把聲，努力付出了都想有回報，接住就踢爆：「有時都會好想好似Eason咁去打邊爐。（你篤爆人？）我篤爆咗咩？我唔做嘢身痕，李克勤仲話我犯賤，前年休息咗大半年，佢話我個樣冇舊年忙足成年咁好喎！」

首奪「叱咤男歌手金獎」的張敬軒感到很滿足，對吳業坤以新人王大熱姿勢態掃獎項，他覺得令樂壇有新局面。談到吳業坤上台攞獎時疑似「動L」，軒仔陰陰嘴笑說：「有大獎攞，攞晒大獎畀我都動L，值得動L，不過我講手指公咋喎！」軒仔又拎謝安琪有喜的傳聞搞Gag，問到他奪金獎時可有宣言，他即笑說：「係咪驚我突然宣布退休，宣布自己懷孕呀？」