陳嘉桓自小喜歡Barbie公仔，入行後有了收入便開始收集，希望買回童年回憶，她說：「其實以前好多親友都知我鍾意呢個公仔，佢哋會送畀我，但因為搬過幾次屋嘅關係，有部分都遺失咗，依家屋企大概有三十幾個。」她更喜歡到不同國家收集不同款式的Barbie：「因為唔同地方嘅出品都唔同，第二個地方未必買到。好多朋友去旅行都會幫我搵好多特別版返嚟，好似啱啱有個親戚喺美國嚟香港，都送咗兩個畀我當聖誕禮物。」

陳嘉桓最愛收藏來自不同國家的Barbie，而她手中的就是美國親友送的禮物。

陳嘉桓周不時帶Barbie出Trip影寫真，當正她們是最佳「伴旅」。

陳嘉桓亦喜歡買Duffy公仔伴她入睡，你睇佢成床都係就知。

陳嘉桓更坦言太心愛的系列會捨不得拆盒，有時亦會視乎每個公仔的造型而帶她們去不同的地方拍照留念：「早前有朋友喺日本買咗幾個夏天系列着三點式嘅公仔畀我，我會帶埋佢哋去海灘影相。」除了Barbie外，她亦喜歡Duffy卡通人物，至今已收藏了不少毛公仔陪她入睡！