陳豪、田蕊妮及胡定欣等前晚現身馬鞍山的除夕倒數活動。陳豪透露出門前有錫小朋友及太太陳茵媺，問到有否買禮物給小朋友，他說：「太多朋友送禮物，唔想佢哋太物質，家長要節制吓。（買大屋？）夠大啦！（2015賺好多？）OK啦！（掘金王？）咪咁講，多謝上天！」

陳豪玩遊戲時用膝頭頂住胡定欣背脊，睇到田蕊妮勁緊張！

「視后」胡定欣則坦言2015年對她意義重大，問到今年會否拉埋天窗，她說：「暫時未有呢個打算，希望胡說八道會有其他成員會。（邊個？）唔知，除咗胡蓓蔚同胡杏兒，個個都有機會。（唔怕做最後一個？）咁我又唔會驚嘅。」田蕊妮則透露丈夫杜汶澤返了香港過新年。