蕭正楠前晚在荃灣出席倒數活動時否認向女友黃翠如求婚：「嗰啲花同蛋糕全部都係Fans送畀我嘅。（唔諗結婚住？）唔會啦！大家都要忙開劇。（2017年結婚？）唔係！我係話想40歲前（現年38歲）結婚，都要人哋肯嫁畀我先得！」而同場的岑麗香表示前晚除夕未能與男友一起倒數，只能等下次見面補數。

黃翠如及蕭正楠每次傳婚訊都否認，咁究竟幾時會變真先？

至於黃翠如前晚亦在另一商場出席倒數活動，提到有傳男友蕭正楠向她求婚，她即澄清：「冇呀！有嘅話畀你哋知。（佢話想40歲前結婚。）佢講（口既）要問番佢，我都呆咗，佢諗啦！我唔諗喇！（你唔配合？）到時睇佢表現。」