名媛諸葛紫岐(Marie)今年留港歡度元旦,為氹囝囝薛華韜開心,又想玩開心刺激機動遊戲測膽量,Marie已計劃帶家人到《東華慈善嘉年華》感受節日氣氛。Marie說:「元旦梗係去一家大細都啱嘅地方啦!所以決定帶埋個仔去玩,囝囝一定鍾意創意動感區,啟發智慧同創作力!我哋又準備睇英國皇家絕技團,個仔一定睇到拍手掌!而我呢,梗係想試玩陀飛輪同超級搖滾,測試自己有幾大膽!」

諸葛紫岐計劃帶囝囝到《東華嘉年華》大玩特玩!

為慶祝元旦,《東華慈善嘉年華》於1月1日至3日加推「全日無限FUN」門票,成人票價$280,小童票價$180,可任玩場內機動遊戲,小童更不用加任何費用,任玩「兒童創意動感區」及「充氣遊戲區」,難怪早前蕊蕊與「牛雜妹」李美琪玩完又玩,還約好友再挑戰膽量!