歐陽震華（Bobby）、滕麗名、張頴康及呂慧儀等昨日拍攝無綫劇集《一屋老友記》婚宴戲。提到與滕麗名相隔多年再合作，Bobby搞笑自稱「睇住對方發育」，大講有味笑話：「睇住佢發育同做人妻，佢做豐胸代言人，用手按摩豐胸，連隻手都大成個碼，佢老公（幫佢）隻手大兩個碼添呀！」阿滕聞言即反擊：「我問番佢印度神油搽手指又會點？結果佢輸咗畀我啦！」Bobby透露劇中誤飲通經水而噴到呂慧儀成面水，他大讚對方忍笑一Take過：「本身佢唔肯畀我噴水，但我鼓勵佢做，結果佢畀我噴到頭髮都濕埋！」

Bobby笑滕麗名變人妻又「發育」。

而呂慧儀及張頴康分別扮新娘及新郎，慧儀大讚道具婚紗照好靚，故想與老公黃文迪在港再影婚照作情人節禮物，又笑指老公「冇眼睇」她再披嫁衣，頴康則自爆要與慧儀拍咀戲，被太太麥雅緻「詐型」！