夜蒲熱點蘭桂坊在元旦凌晨十分熱鬧，林峯女友吳千語現身Dragon-i，更與曾傳拍拖的王愛倫細仔林建龍（前名林建隆）於場內頻頻咬耳仔，攬腰、搭膊頭、摸手仔樣樣齊，關係友好！千語透過經理人回應時大派定心丸：「大家喺店內撞到，朋友式打招呼傾偈好正常，大家唔使諗多咗。對方已有穩定女朋友，我同林峯都識，大家係朋友，所以係一件好普通嘅事。」林峯亦指女友早向他備案，給予百分百信任！

千語發現記者在場時面露尷尬之色。

吳嘉龍避鏡頭，與女友人快閃。

千語與林建龍咬耳仔，朋友啫！林峯唔使擔心！

而夜場常客吳嘉龍見到記者即黑面避鏡頭，保護背後的女友人速逃現場；RubberBand主音阿正則與老婆黃淑玲在夜場內攬到實晒恩愛，錫錫又自拍！