Twins假紅館與歌迷齊齊迎接新年!去年與陳偉霆分手的蔡卓妍在台上表示「舊嘅唔去新嘅點嚟」,似乎話中有話!兩姊妹又出手大摸男Dancer腹肌,夠晒火辣!文:音樂組 攝:黎志輝

Twins穿短裙上陣大跳勁舞,除疊羅漢外,阿Sa更變魔術玩火!

阿Sa撫摸男Dancer腹肌。

Twins開騷獲Shine驚喜任嘉賓。

組合Twins前晚除夕夜假紅館舉行一連五場《#TWINS#LOL#LIVE IN HK》演唱會,事隔12年再度與歌迷共度跨年,更獲英皇老闆楊受成伉儷、經理人霍汶希、蔡卓妍母親等捧場。兩人全晚換足五、六套衫,先以多首經典快歌登場,做出多個高難度動作如疊羅漢、人肉風火輪等,與男Dancer埋身肉搏時,更出手撫摸男Dancer的腹肌,非常火辣!及後兩人再做出招牌動作側手翻,令全場歡呼尖叫!

「舊嘅唔去新嘅點嚟」

倒數前,蔡卓妍(阿Sa)說:「2015年發生好多事情,要踢走唔開心嘅嘢,舊嘅唔去,新嘅點嚟!」鍾欣潼(阿嬌)即捉住阿Sa雙手並表示會支持她,接着《你不是好情人》的音樂響起,令人不禁聯想到阿Sa意指去年九月分手的前男友陳偉霆。直到跨年一刻,兩人帶住觀眾倒數30秒,之後勁跳《Ichiban興奮》等多首快歌!

Shine驚喜現身

至於演唱會嘉賓為同是「長命組合」的Shine,徐天佑和黃又南驚喜出場,Twins見到兩位好友即恭賀新婚的天佑。其後兩人合唱《相愛六年》時,阿Sa感慨地說:「多謝十幾年嚟,有個咁好嘅拍檔。」令阿嬌感動得眼濕濕。

Twins受訪時笑言,與男Dancer的辣身舞令她們有點尷尬:「摸肌肉時有汗而且好濕,摸完要洗手。」問到揚言「嘅唔去,新嘅點嚟!」,她解釋:「係同所有人講嘅。」又否認唱《你不是好情人》是刻意安排。