「霧起」激凸攞新人王再爆喊

吳業坤早前在頒獎禮中狂掃新人獎，昨晚他在《叱咤》頒獎禮再下一城勇奪「叱咤樂壇生力軍」金獎，在公布前先由一班小朋友合唱團搞笑戴着「起霧眼鏡」演唱《陽光點的歌》，此時他已由台下喊住上台，上台後更喊爆，並喊到口齒不清兼走晒音，最搞笑是他拿出一張致謝名單說：「我寫定咋！但唔係預咗！」此番話已令台下爆笑。他又藉此感謝無綫，更認真地說：「係真多謝無綫」，又再令台下爆笑！其中他緊張到手心出汗而弄濕貓紙，並爆出一句：「死喇！睇唔到添！」令全場笑爆！坤坤再次喊到眼鏡起霧，他表示本以為當年參加《超級巨聲2》後很快就能唱歌，但一直沒機會，惟有慢慢等待，並坦言別人覺得他是個搞爛Gag的宅男藝人，直至能夠去錄音時也猶豫：「我第一次入錄音室等咗好耐都唔敢入，因為唔知監製舒文點睇我。」催淚的感言也令台下的「巨聲」戰友林欣彤都落淚，而他發表感言時更一度激動到「激凸」！至於銀獎及銅獎分別由Jude和黃淑蔓奪得，其中黃淑蔓年僅14歲。